Gamle idrettsleikar med ny vri

I Etnedal får gamle idrettsleikar fart på elevane. Kroppsøving i gammal stil eller sagt på dialekt: "Skreva lealaus og mjølke bjødn". Ingar Ranheim og Gullik Kirkevold har drive systematisk innsamling av godkarstykke og idrettsleikar. I programmet følgjer vi sjetteklassingane i Etnedal i kroppsøvinga i juni. Dei har gjesting av ein hallingdansar og ein spelemann. Blant karstykka og leikane vi får sjå er Nakkespretten, Fiskespretten, Vega salt, Smette mjuke, Laga røyskattfelle, Labbe kråke, Snuskverna, Skreva lealaus (spagat), Mjølke bjødn. Gruppa Gemini League frå Toten vil syna at mange gamle leikar har parallellar til breakdance. Ved Dag Åsmund Larsson.