Paddefeiring i Austefjord

I Austefjord på Sunnmøre drøymer dei om eige paddesenter. Bygda har nemleg den største paddekolonien i Skandinavia og kvar vår når snøen smeltar og sola stikk fram, byrjar paddene vandringa frå fjellet til vatnet for å bli fleire. Paddene har blitt turistattraksjon i bygda og NRK Møre og Romsdal la ettermiddagssendinga i NRK P1 til Austefjord tidleg i mai, for å feire paddene saman med bygdefolket.